1-tur diabetda insulin mustaqilligiga yana bir qadam

Olimlar organizmni yana o‘z insulinini ishlab chiqarishga qaytarishga urindi. Donor beta hujayralari immun tizimi deyarli sezmaydigan holatga keltirildi va bilak mushagiga ko‘chirildi. Bemor immunosupressiv dori olmadi, hujayralar kamida 12 hafta tirik bo‘lib, ishladi. Bu yondashuvning odamda ham ishlashiga birinchi kuchli ishora.  

Olimlar aynan nima qilishgan?

T-hujayralar “begona”ni tanishi uchun kerak bo‘ladigan yuzaki belgilar olib tashlandi. Shu bilan birga, tug‘ma immunitetga “tegmang” degan aniq signal beradigan himoya oqsili qo‘shildi. Hujayralar nazorat qilish qulay bo‘lgan hudud — bilak mushagiga joylashtirildi.   

Tajriba natijasida quyidagilar isbotlandi

S-peptid paydo bo‘ldi va ovqatdan so‘ng oshdi. PET-MRI transplant joyida tirik to‘qimani ko‘rsatdi. To‘rtta nojo‘ya holat qayd etildi, lekin birortasi jiddiy emas va terapiyaning o‘ziga bog‘liq emas. Tahrirlangan hujayralarga qarshi immun javob kuzatilmadi.  

Hozircha to‘liq dozadan kichik qismi yuborildi, lekin natija ko‘rinib turibdi

Bu bosqichda maqsad xavfsizlik va ish faoliyatini ko‘rsatish edi. Manbalarda bu o‘n millionlab hujayralar ekani, joylashuv esa bilak mushagi ekani aytiladi. Bemor hali ham insulin kiritadi, biroq transplantat ish belgilarini barqaror ko‘rsatmoqda va ovqatga javob beradi. Keyingi qadamlar: ko‘proq hujayra, ko‘proq ishtirokchi, uzoqroq kuzatuv.    

Bularning barchasi nimani anglatadi

“Yashirinish” strategiyasi odamda tasdiqlanmoqda. Hozircha bitta bemor va 12 hafta xolos, shuning uchun xulosalar ehtiyotkor. Ammo yondashuv ish bersa, immunosupressiyasiz davolash sari yo‘l ochiladi.