Oddiy oynalarni quyosh energiyasi generatorlariga aylantirish uchun Xitoyning shaffof qoplamasi

Xitoylik tadqiqotchilar oddiy derazalar uchun tiniq, rangsiz qoplamani namoyish qilishdi. Suyuq kristalli qoplama quyosh nurlarining bir qismini oyna ichiga yo‘naltiradi va ularni chetlariga olib boradi, chetda esa yupqa fotoelementlar turadi. Deraza shaffofligicha qoladi, manzara tabiiy ko‘rinadi.

Qisqacha aytganda, u qanday ishlaydi

Plyonka yorug‘likning kerakli qutblanishini ajratadi, nurni oynaning ichiga kerakli burchaklarda kirgizadi, nur oyna ichida tarqalib chetga chiqadi. O‘sha chetda kichik quyosh elementlari uni elektrga aylantiradi, demak faol elektronika maydonini ancha kamaytirish mumkin.

Ko'rsatkichlar haqida bir oz

— Ko‘rinadigan yorug‘lik bo‘yicha o‘rtacha 64,2 foiz o‘tkazuvchanlik, rang uzatish indeksi 91,3, ya’ni ranglar tabiiy ko‘rinadi.
— Yashil nur energiyasining 38,1 foizigacha chetga yig‘iladi.
— Kengligi 2 metr bo‘lgan deraza hisob-kitoblarda oqimni 50 marta jamlaydi, shuning uchun chetdagi fotoelementlar maydonini 75 foizgacha qisqartirish mumkin.
— Diametri bir dyuym bo‘lgan prototip quyosh ostida 10 mVt quvvatli ventilyatorni aylantirdi.

Buning nima foydasi bor?

Shaffof fasadlar o‘z elektrini ishlab chiqaradi, ofis, savdo markazlar va issiqxonalar ko‘rinishini saqlab qoladi. Qoplamani mavjud oynalarga ham surtish mumkin, ishlab chiqarish esa rulonli usullar bilan mos, shu bois texnologiyani ommaviylash tirish qiyin emas.